![](https://akt.nis.edu.kz/wp-content/uploads/2020/03/Nazarbaev-Intellektualnaya-shkola-himiko-biologicheskogo-napravleniya-v-g.-Aktau-uncategorized-1944-1024x683.jpg)
![](https://akt.nis.edu.kz/wp-content/uploads/2020/03/Nazarbaev-Intellektualnaya-shkola-himiko-biologicheskogo-napravleniya-v-g.-Aktau-uncategorized-1943-1024x683.jpg)
Зияткерлік мектеп оқушыларының көптен күткен арманы ақпанның 28-і күні орындалды. Өзін-өзі басқару ұйымының белсенді оқушыларының ұйымдастыруымен білім ордасының тарихында тұңғыш рет «Көңілді тапқырлар алаңы» өтті. 7-12 сынып аралығындағы оқушылар қатысқан сайысқа шаңырақтардан құралған 5 құрама команда қатысып, жиналғандарға тамаша көңіл-күй сыйлады.
«RAKAMAKAFO», «HOMO SAPIENS», «АMBASSADOR», «Мәңгілік зияткерлер» және «5-302» топтары мектеп өмірі, белгілі тұлғалар туралы әзілдер айтып, көріністер қойды. Сәлемдесу мен биатлоннан тұрған көңілділер жарысында «Ambassador» командасы жеңіске жетсе, «Homo Sapiens» екінші орынды қанжығалады. Үшінші орын «5-302» 7-сынып оқушыларынан құралған командаға бұйырды.
Бұл сайыс оқушылардың әзіл айту деңгейін байқауға арналған алғашқы сайыс. Алдағы уақытта да жиі ұйымдастыру туралы ұсыныс түсті. Мұны мектеп әкімшілігімен ақылдасып, шешетін болдық, – дейді «Шабыт» өзін-өзі басқару ұйымының президенті Рауан Ибрагим.