.png "Казахский")
«Назарбаев Зияткерлік мектептері» дербес білім беру ұйымы Ақтау қаласындағы Назарбаев Зияткерлік мектебінде ақылы түрде оқуға қабылдауға конкурстық іріктеу жариялайды. Іріктеуге құжаттар 8-14 қазан аралығында қабылданады.
Конкурсқа өзге білім беру орындарында 8-9 сыныпта оқып жатқан оқушылар қатыса алады.
Конкурстық іріктеуге қатысу үшін үміткердің заңды өкілі қабылдау комиссиясына көрсетілген мерзімде төмендегі құжаттарды әкелуі міндетті:
- Өтініш;
- Толтырылған анкета;
- Заңды өкілдің ЖСН нөмері көрсетілген жеке куәлігінің көшірмесі;
- Үміткердің туу туралы куәлігінің көшірмесі (немесе паспорт немеке ЖСН нөмері көрсетілген жеке куәлігі);
- Денсаулық сақтау саласындағы уәкілетті ұйымның үміткердің денсаулығы жайындағы анықтама;
- Өткен оқу жылы мен биылғы оқу жылындағы сабақ үлгерімін көрсететін табель көшірмесі;
Талап етілген құжатқа білім беру ұйымының басшысының қолы қойылып, мөрі басылуы тиіс.
- Негізгі мектепті бітіру туралы куәлік көшірмесі (болған жағдайда);
- 3х4 фото – 2 дана;
- Қазақстан Республикасында өмір сүруге рұқсат беретін құжат (ҚР резиденті болмаған жағдайда);
Аталған құжаттардың барлығы жинақталып, пластик папкаға (скоросщиватель) салынуы тиіс.
Қабылдау комиссиясының жұмыс күндері:
Дүйсенбі – сенбі: 09:00-17:00
Үзіліс: 13:00-14:00 аралығы.
Тел: 8 (7292) 70 10 66
