“Менің отбасым-чемпион” дәстүрлі эстафетасы

Биыл Қазақстан Республикасының тәуелсіз мемлекет атанғанына 33 жыл толмақ. Ел тәуелсіздігінің мерейлі мерекесіне орай Петропавл қаласының Назарбаев Зияткерлік мектебінің 7-сынып оқушылары мен олардың ата-аналары “Менің отбасым-чемпион” дәстүрлі эстафетасына қатысты. Іс-шараға биыл мектепке түскен 7-сынып оқушыларының барлығы қатысты.
Эстафета тек спорттық іс-шара ғана емес, сонымен қатар жаңа оқушылар мен олардың ата-аналары үшін бір-бірімен танысуға, сондай-ақ командалық рух пен белсенді өмірлік ұстанымды көрсетуге мүмкіндік берді. Шараға қатысушылар өзара көмек, стратегияны және шығармашылықты қажет ететін түрлі қызықты сайыстарға қатысты.
Жарыс қорытындысы бойынша жеңімпаздар командалар:
1 орын - “Евней Бөкетов” шаңырағының 7 “Е” сынып командасы
2 орын - “Қожаберген жырау” шаңырағының 7 “Н” сынып командасы
3 орын - “Сәбит Мұқанов” шаңырағының 7 “С” сынып командасы.
Мерекелік іс-шарада оқушылар мен олардың ата-аналары нағыз командалық көңіл-күй көрсетіп, бір-бірін қолдап, ортақ жеңіске үлес қосты.