Қарағанды қаласының ХББ НЗМ-нің мұғалімдері Абай қаласында мастер-класс өткізді

2024 жылдың 4 желтоқсанында мектебіміздің мұғалімдері Абай қаласындағы Шоқан Уәлиханов атындағы мектеп-лицейде мастер-класстар мен тренингтер өткізді. Бұл іс-шара «Селолық жердегі опорлық мектептердің әлеуетін дамыту» жобасы аясында ұйымдастырылды. Мастер-класстар барысында қатысушылар химия, физика, математика, қазақ тілі мен әдебиеті, ағылшын тілі пәндерінде функционалдық сауаттылықты арттыруға арналған тапсырмаларды құрастыру әдістерімен танысты. Сонымен қатар, педагогтар оқу үдерісін жақсарту мен оқушылардың білім сапасын арттыруға арналған тың әдіс-тәсілдермен бөлісті.